Energisikkerheit og forsvarsevne (del 1) - trusselbilde og utfordringar

Energisikkerheit er ikkje lenger eit teknisk spørsmål. Det er eit spørsmål om nasjonal forsvarsevne.

Vestland kjenner utfordringa spesielt nært. Her ligg Nord-Europas største marinebase, Noregs einaste oljeraffineri og det største eksportanlegget for 40 prosent naturgass til Tyskland – kombinert med eit sårbart straumnett og ein posisjon som Noregs største fylke for produksjon av fornybar energi.

Situasjonen i Ukraina viser tydeleg utfordringsbiletet. Energiinfrastruktur er blant hovudmåla for angrep. I Noreg har vi alt hatt hybride angrep mot energianlegg. Energiselskap, industri, stortingspolitikarar og regjeringsrepresentantar møtest for å svare på spørsmåla vi ikkje lenger kan utsetje:

Kva er dei største sårbarheitene i dag? Kva hastar mest å utbetre? Kva kan vi lære fra situasjonen i Ukraina? Og kva krevst av avgjerder for å kome i mål? Kva risikerer vi å miste om vi ikkje handlar raskt nok.

Velkomen til samtalen vi ikkje har råd til å utsetje for å møte ei tid med geopolitisk uro.

Arrangementet kan med fordel sjåast i samanheng med Bergen Næringsråd sitt arrangement Energisikkerheit og forsvarsevne - frå trussel til politiske løysningar som finn også finn stad på MS Sandnes kl. 1600-1645. Der tek Bergen Næringsråd samtalen vidare – frå risiko og utfordringar til politiske løysingar.